وەزارەتی كشتوكاڵ بڕیاریدا بە لێخۆشبوونی گومرگی لە هاوردەکردنی (پەینی کیمیایی، ماددەی قڕکەرو بنەتۆو).
لە ڕاگەیەندراوێكدا، بێگەرد تاڵەبانی وەزیری کشتوکاڵ و سەرچاوەکانی ئاوی هەرێم ئاماژەی بەوەكردووە، حکومەتی هەرێم بڕیاری لێخۆشبوونی گومرگی لە هاوردەکردنی چەند ماددەیەك دەرکردووە.
باسی لەوەشكردووە، “ئامانج لەو بڕیارە هاندان و پاڵپشتی زیاتری جوتیاران و خاوەن کار و پرۆژەکانی هەرێمی کوردستانە”.
هەر بەپێی ڕاگەیەندراوەكە، “بە بڕیاری ئەنجومەنی وەزیران لێخۆشبوونی گومرگی لە هاوردەکردنی پەینی کیمیایی، ماددەی قڕکەر و بنەتۆو درا بە مەبەستی کەمکردنەوەی تێچووی چاندنی دانەوێڵە بە تایبەتی گەنم و جۆ و بەروبوومە کشتوکاڵیەکانی تر”.
