کەشناسیی عێراق پێشبینى ده‌كات له ڕۆژى سێشەممەوه پلەکانی گەرما بگەڕێنەوە دۆخی ئاسایی خۆیان و ئه‌م شەپۆلی سەرمایه‌ش کۆتایی پێ بێت.
بەڕێوەبەرایەتیی کەشناسیی و بومه‌له‌رزه‌زانى عێراق ئەمڕۆ یەکشەممە لە ڕاگەیاندراوێکدا ئاماژه‌ى به‌وه‌كردووه،”ئه‌و شه‌پۆله سه‌رمایه‌ى كه ماوه‌ى چه‌ند ڕۆژێكه زۆربه‌ى ناوچه‌كانى عێراقی گرتووه‌ته‌وه ڕۆژى سێشه‌ممه كۆتایی دێت و پله‌كانى گه‌رما به‌رز ده‌بنه‌وه”.
باسی له‌وه‌شكردووه، له‌هه‌ندێك له ناوچه‌كان پله‌كانى گه‌رما بۆ ژێر سفر دابه‌زیووه، به‌ڵام له ڕۆژى سێشه‌ممه‌وه پله‌كانى گه‌رما به‌رز ده‌بنه‌وه.
كه‌شناسیی عێراق پێشبینى ئه‌وه‌شی كردووه، له ناوه‌ڕاستى مانگى داهاتوودا جارێكى دیكه شه‌پۆلێكى بارانبارین ڕوو له ناوچه‌كان بكات و له ناوچه شاخاوییه‌كانیش به‌فر ببارێت.
