بەرەبەیانیی ئەمڕۆ دەنگی تەقینەوە لە ئاسمانی بنکەی ئەتۆمیی بوشەهر بیسترا و لەلایەن کەسانی نزیک لە بنکەکەوە ڤیدیۆی تۆمارکرا.
محەمەد تەقی، جێگری سیاسی و ئەمنیی پارێزگای بوشەهر ڕایگەیاندووە، “ئەو تەقینەوەیەی لە ئاسمانی بنکەی ئەتۆمیی بوشەهر بیستراوە، تەنها تاقیکردنەوەی کەمکردنەوەی مەترسی لەسەر بنکەکە بووە “.
ئەو بەرپرسە ئێرانییە وتوویەتی، “بۆ ئامادەکاری و تاقیکردنەوەی توانای بەرگریی مووشەکی، ئەو مانۆڕە ئەنجامدراوە و سەرکەوتووبووە”.
تەقی ئاشکرایکردووە، پێش تاقیکردنەوەکە ئاگاداری هەموو لایەک کراوە و ئاسمانی ناوچەکە و دەوروبەری هاوئاهەنگبوون لە ڕووداوەکەدا.
ئەوە جاری یەکەم نییە کە تەقینەوەکان لە ئاسمانی بنکە ئەتۆمییەکانی ئێران بە مانۆڕی سەربازی ناودەبرێن لەلایەن بەرپرسانی ئێرانەوە.
فوری
💥🔥💥پهپادهای ناشناس بر فراز نیروگاه هستهای بوشهر pic.twitter.com/zKapbwWmaa— امید پناهی (@OmidPanahi19) December 20, 2021
