پاڵەوانی پێشووی فۆرمولا 1، لویس هامیڵتۆن لە ڕێکخەرانی پاڵەوانێتییەکانی فۆرمولا توڕەیە و لە تۆڕە کۆمەڵایەتییەکان ڕەشیکردوونەتەوە.
شۆفێرە مێژووییەکەی بەریتانیا لە دوایین پێشبڕکێی فۆرمولا 1 بۆ وەرزی 2021 (پێشبڕکێی ئەبوزەبی جی پی)، توانی تاوەکو دوایین خولانەوە لە گۆڕەپانی یاس مارینا پێشەنگی بگرێت، بەڵام لە كۆتا خولانەوەدا دوای ئەوەی ئۆتۆمبێلی سەلامەتی هاتە نێو گۆڕەپان، پێشبڕکێکە خاوبووەوە و ماکس ڤێرشتاپن-ی هۆڵەندی شۆفێری تیمی ڕێدبوڵ توانی بردنەوە تۆماربکات.
بەپێی ئەنجامە تۆمارکراوەکە، هامیڵتۆن ناسناوی پاڵەوانێتی جیهانی بەرامبەر ڤێرشتاپن لەدەستدا، نەیتوانی بۆ هەشتەم جار ببێتە پاڵەوانی جیهان و ڕیکۆردی مایکڵ شوماخەر-ی ئەفسانە تێپەڕبکات، هەموو ئەمانە شۆفێرە بەریتانییەکەتان توڕەکرد، خودی خۆی و تیمەکەی ئەنجامەکەیان بە فێڵکردنی تیمی ڕێدبوڵ و فۆرمولا 1 وەسفکرد.
لەدوایین جووڵەشدا، لویس هامیڵتۆن بێزاری و توڕەیی خۆی بەرامبەر بە ڕیکخەرانی پێشبڕکێکانی فۆرمولا 1 دەربڕیوە، پێگەی “فۆرمولا 1″ی لە ئینستگرام ڕەشکردووەتەوە، کە ئەوەش بەئەگەرێکی زۆرەوە کاریگەریی لەسەر پێگەکە دروستدەکات.
