دوو داواکراوی یانەی بەرشلۆنە، ئامادەییان نیشانداوە شکستی خولی یانە پاڵەوانەکان پشتگوێبخەن و گرێبەست لەگەڵ یانە کەتەلۆنییەکە واژووبکەن.
ڕۆژنامەی موندۆ دیپۆرتیڤۆی ئیسپانی بڵاویکردووەتەوە، لە گواستنەوەکانی زستانی 2022 هەریەک لە فیران تۆرێسی یاریزانی مانچستەر سیتی و ئیدینسۆن کاڤانی یاریزانی یانەی مانچستەر یونایتد داواکراوی سەرەکیی چاڤی و ستافی کارگێڕیی یانەی بەرشلۆنەن.
دوو یاریزانەکە ڕەزامەندییان نیشانداوە بابەتی بەشداریکردن لە خولی یانە پاڵەوانەکانی ئەوروپا پشتگوێبخەن، بەڵکو ئامادەییان نیشانداوە هاوشانی یاریزانانی دیکەی بارسا لە خولی ئەوروپی “یوروپا لیگ” بەشداریبکەن، بەو مەرجەی درێسی شین و سووری یانە ئیسپانییەکە بپۆشن.
بەپێی سەرچاوەکە، گواستنەوەی کاڤانی بێبەرامبەرە، بەوپێیەی بۆندەکەی لەگەڵ مان یونایتد کۆتاییدێت، بەڵام گواستنەوەی فیران تۆرێس بڕی 60 ملیۆن یورۆی تێدەچێت، خوان لاپۆرتا و هاوکارانی ڕەزامەندییان نێشانداوە ئەو نرخە بە سێ قیستی جیاواز پێشکەشبکەن.
