وەزارەتی کارەبای حکومەتی هەرێمی كوردستان، کەمبوونەوەی کاتژمێرەکانی پێدانی کارەبای نیشتمانی بەهۆی وەرزی سەرما و بەرزبوونەوەی خواست لەسەری ڕاگەیاند و دەڵێت، پێدانی کارەبای نیشتمانی لە شەو و ڕۆژێکدا دەبێتە 10 بۆ 12 کاتژمێر.
وەزارەتی کارەبای حکومەتی هەرێمی کوردستان ڕایگەیاند، بەهۆی هەڵکشانی خواست لەسەر کارەبا بۆ 6000 مێگاوات و هاتنی شەپۆلێکی سەرما و سۆڵەوە، ماوەکانی پێدانی کارەبا بۆ 10-12 کاتژمێر کەمبووەتەوە.
وەزارەتی کارەبا ئاماژەی بۆ ئەوە کردووە کە کار بۆ گەڕاندنەوەی دوو یەکەی وێستگەی هەڵمیی خەبات دەکات و تا کۆتایی ئەم هەفتەیە 300 مێگاوات کارەبا بۆ ناو تۆڕی نیشتمانیی کارەبا دەگەڕێتەوە و تا ئاستێک دۆخی کارەبا باشتردەبێت.
