په‌رله‌مانى كوردستان كۆبوونه‌وه‌كانى ده‌ستپێده‌كاته‌وه و به‌دواداچوون بۆ خۆپیشاندانى خوێندكاران ده‌كات.
له یاداشتێكدا كه ئاراسته‌ى په‌رله‌مانتارانى كردووه، د. ڕێواز فایه‌ق سه‌رۆكی په‌رله‌مانی كوردستان بانگهێشتی په‌رله‌مانتاران ده‌كات بۆ كۆبونه‌وه‌ی ڕۆژی چوارشه‌ممه‌ی ئه‌م هه‌فته‌یه، له یه‌كێك له ته‌وه‌ره‌كاندا هاتووه، كه بەدواداچونی هەردوو لیژنەی ناوخۆ و ئاسایش و ئەنجومەنه خۆجێیەكان و لیژنەی پەروەردە و خوێندنی باڵا و توێژینەوەی زانستی سەبارەت بە خۆپیشاندانی خوێندكاران ده‌خرێته‌ڕوو.
ده‌قی كارنامه‌ى كۆبوونه‌وه‌كه:
به‌پێی حوكمی مادده‌ی (5) و بڕگه‌ی (یه‌كه‌م) له مادده‌ی (16) و بڕگه‌ی (سێیه‌م) له مادده‌ی (18) و بڕگه‌كانی (یه‌كه‌م و دووه‌م و سێیه‌م و چواره‌م و پێنجه‌م) له مادده‌ی( 20) و مادده‌كانی (47، 48) و بڕگەی (یەكەم) لە ماددەی( 2)و ماددەكانی (54، 55، 56، 57) له په‌یڕه‌وی ناوخۆی په‌رله‌مانی كوردستان-عێراق، ده‌سته‌ی سه‌رۆكایه‌تیی په‌رله‌مان بڕیاریدا به‌رنامه‌ی كاری دانیشتنی ژماره (9)ی ئاسایی خولی پایزەی ساڵی سێیەم له خولی پێنجه‌می هه‌ڵبژاردنی په‌رله‌مان، له كاتژمێر11 ی پێشنیوه‌ڕۆی ڕۆژی چوارشەممە ڕِێكه‌وتی2021/12/1 به‌م شێوه‌یه بێت:
یەكەم: دەنگدان لەسەر پڕۆژەیاسای (كۆمپانیا ئەمنییە تایبەتەكان لە هەرێمی كوردستان-عێراق)، به‌پێی حوكمی مادده‌كانی (90، 91، 93، 96، 97) له په‌یڕه‌وی ناوخۆی په‌رله‌مانی كوردستان.
دووەم: خستنەڕووی بەدواداچوونی هەردوو لیژنەی (ناوخۆ و ئاسایش و ئەنجوومەنه خۆجێیەكان) و لیژنەی (پەروەردە و خوێندنی باڵا و توێژینەوەی زانستی)، سەبارەت بە خۆپیشاندانی خوێندكاران.
سێیەم: خوێندنه‌وه‌ی دووه‌م بۆ پڕِۆژەیاسای (سەرپەرشتیكردنی پڕِۆژەكانی كشتوكاڵی لە هەرێمی كوردستان)، به‌پێی حوكمی مادده‌كانی (87، 88، 89) له په‌یڕه‌وی ناوخۆی په‌رله‌مانی كوردستان.
