قوباد تاڵەبانی جێگری سەرۆکی حکومەتی هەرێمی کوردستان لە پەیامێکدا بۆ هێرشەکەی شەوی ڕابردووی داعش بۆسەر هێزەکانی پێشمەرگە ڕایگەیاند، “ئەو هێرشانە دەیسەلمێنن مەترسییەکانی ئەو گروپە تیرۆریستییە هەر ماوە”.
قوباد تاڵەبانی سەرەخۆشی لە کەسوکاری شەهیدەکان و هیوای چاکبوونەوە بۆ بریندارەکان دەخوازێت.
لە پەیامەکەیدا قوباد تاڵەبانی دەڵێت، “ئەم پەلامارانە دەیسەلمێنن هێشتا مەترسی ئەو گروپە تیرۆریستییە هەر ماوە، بۆیە پێویستە لایەنە پەیوەندیدارەکان لە پێشمەرگە و سوپاى عێراق و هێزەکانی هاوپەیمانیی نێودەوڵەتی هەماهەنگی زیاتر بکەن بۆ نەهێشتنی ئەو مە‌ترسییە و دزەکردنی چەکدارانی داعش”.
جێگری سەرۆکی حکومەتی هەرێمی کوردستان جەختدەکاتەوە، زۆر پێویستە كار لە‌سە‌ر بنبڕكردنی فیكری تیرۆریستی بكرێت.
