ئەم چوار مانگە، داهاتووی هازارد یەكلایی دەكاتەوە و پێویستە یاریزانە بەلجیكییەكە بونی خۆی تێدا بسەلمێنێت.
ئیدین هازارد سێیەم وەرزە لە یانەی ڕیاڵ مەدرید یاریی دەكات و تا ئێستاش نەیتوانیوە جێگەی خۆی لە پێكهاتەی سەرەكیدا بكاتەوە.
ڕكابەری خولە ناوخۆییەكانی ئەوروپا و چامپیۆنز لیگ تا چوار مانگی تر ناوەستن بەهۆی یارییە نێودەوڵەتییەكانەوە و هەلێكی زێڕین لەبەردەم هازاردی بەلجیكیدایە تا بونی خۆی بسەلمێنێت.
كارلۆ ئەنچیلۆتی ڕاهێنەری ڕیاڵ مەدرید ئاماژەی بەوەداوە كە یاریزانی تر لە پێش هازاردە بۆ یاریی كردن لە پێكهاتەی سەرەكیدا و پێویستە كاپتنەكەی بەلجیكا لە ڕاهێنان كردن بەردەوام بێت تا بتوانێت پێگەی سەرەكی بگرێتەوە.
ئەگەر لەماوەی ئەم چوار مانگەدا هازارد ئاستی خۆی بەرز نەكردەوە، كۆتایی وەرز ئیدارەی ڕیاڵ مەدرید دەستبەرداری دەبێت و دەیفرۆشێت بە یەكێك لە یانەكانی ئینگلتەرا.
