لە گەڕی دەیەمی پاڵاوتنەكانی كیشوەری ئەوروپا بۆ مۆندیالی 2022، ئەمڕۆ چەند یارییەكی بەهێز ئەنجامدەدرێن.
كاتژمێر 5ی ئێوارە هەڵبژاردەی كرواتیا میوانداریی هەڵبژاردەی ڕوسیا دەكات.
ڕوسیا بە 22 خاڵ پێشەنگە و بە یەكسانبوون و بردنەوە دەگاتە مۆندیال و كرواتیاش تەنها دەبێت بردنەوە بەدەستبهێنێت تا بگاتە مۆندیال.
كاتژمێر 10:45 خولەك، هەردوو هەڵبژاردەی پورتوگال و سڕبیا ڕووبەڕووی یەك دەبنەوە.
هەردوو هەڵبژاردەكە 17 خاڵیان هەیە و پورتوگال بە جیاوازیی گۆڵ پێشەنگە.
پورتوگال بە یەكسانبوون و بردنەوە بە پلەی یەكەم دەگاتە مۆندیال و سڕبیاش تەنها دەبێت بردنەوە بەدەستبهێنێت.
لەهەمانكاتدا و هەر لەكاتژمێر 10:45 خولەكدا ئیسپانیا میوانداریی سوید دەكات.
ئیسپانیا بە 16 خاڵ پێشەنگی ڕیزبەندیی كۆمەڵەی دووەمی گرتووە و سویدیش بە 15 خاڵ لە پلەی دووەمدایە.
