لەلایەن فڕۆكەكانی توركیاوە دەوروبەری دوو گوندی سنووری قەزای ئامێدی بۆردومانكران، بۆردومانەكە زیانی بە دارستانەكانی ناوچەكە گەیاندووە.
كاتژمێر 12:30ی نیوەڕۆی ئەمڕۆ لەلایەن فڕۆكەكانی توركیاوە دووجار دەوروبەری هەردوو گوندی سەرگەلێ و سگێری سەر بە قەزای ئامێدی بۆردومانكران.
پەیامنێرمان لە دهۆك پێی ڕاگەیاندین، بۆردومانەكە زیانی گیانی بە هاوڵاتییانی گوندەكە نەگەیاندووە، بەڵام زیان بەر دارستانی ناوچەكە كەوتووە.
