ڕاهێنەری ئەڵمانیی یانەی چێڵسی، تۆماس توخێل داوای لە ئیدارەی یانەکەی کردووە لە گواستنەوەکانی زستانی 2022 هێرشبەرێکی دیکەی بۆ دابینبکەن.
ڕۆژنامەی “دەیلی ئێکسپرێس”ی بەریتانی نووسیویەتی، بوونی ڕۆمێلو لوکاکو و تیمۆ ڤێرنەر تەواوی کێشەکانی هێڵی هێرشبەری یانەی چێڵسی-یان چارەسەرنەکردووە، بەڵکو تۆماس توخێلی ڕاهێنەر ناچاربووە لەهەندێک لە ڕووبەڕووبوونەوەکاندا وەک هێرشبەر پشت بە کای هاڤێرتز ببەستێت، کە لەڕاستیدا لەپێگەی ناوەندی هێرشبەری یاریدەکات.
ڕاهێنەرە ئەڵمانییەکە جەختیکردووەتەوە، بەردەوامبوونی لوکاکو و ڤێرنەر بەوشێوە چڕەی ئێستا لە خولی ئینگلتەرا و یانە پاڵەوانەکان و جامەکانی دیکە، دووچاری پێکانی قورسیان دەکات.
چێڵسی لە میرکاتۆی ڕابردوو دەستبەرداری تامی ئەبراهام، ئۆلیڤێ جیرو و میچی باتشوای بوو، کە دەکرا لەم وەرزەدا وەک هێرشبەری یەدەگی سێیەم پشت بەتواناکانیان ببەسترێت.
