یانه‌ی مانچسته‌ر سیتی ئینگلیزی له‌چێوه‌ی ڕووبه‌ڕووبوونه‌وه‌کانی هه‌فته‌ی نۆیه‌می پریمه‌رلیگ، به‌رامبه‌ر برایتۆن یاریکرد و بردنه‌وه‌یه‌کی گه‌وره‌ی به‌ده‌ستهێنا.
ئه‌مشه‌و یه‌کشه‌ممه، له فاڵمه‌ر ستادیه‌م یانه‌ی مانچسته‌ر سیتی بووه میوانی یانه‌ی برایتۆن ئالبیۆن، ڕووبه‌ڕووبوونه‌وه‌که به بردنه‌وه‌ی “سیتیزنس” به‌ئه‌نجامی چوار گۆڵ به‌رامبه‌ر به گۆڵێک کۆتاییهات.
گۆڵه‌کانی سیتی له خوله‌که‌کانی 13، 28، 31، 90 له‌لایه‌ن ئیلکای گۆندوگان، فیڵ فۆدین (دوو گۆڵ)، ڕیاز مه‌حریزه‌وه تۆمارکران، تاکه گۆڵه‌که‌ی برایتۆنیش له خوله‌کی 81 به‌لێدانی سزا له‌لایه‌ن ئه‌لێکسیز ماک ئه‌لیسته‌رزه‌وه تۆمارکرا.
به‌پێی ئه‌نجامه تۆمارکراوه‌که، سیتی گواردیۆلا به کۆکردنه‌وه‌ی 20 خاڵ به‌شێوه‌یه‌کی کاتی گه‌ڕایه‌وه پله‌ی دووه‌می خولی نایابی ئینگلیزی.
