چاڤی هێرناندێز، ڕاهێنەری بەرشلۆنە ئاشكرایكرد، ئامانجی یانەكەی گەیشتنە بە چامپیۆنز لیگی وەرزی داهاتوو.
پێش ڕووبەڕووبونەوەی یانەی گرانادا لەخولی ئیسپانیا، كە بڕیارە ئەمشەو كاتژمێر 8:30 خولەك بەڕێوەبچێت، چاڤی هێرناندێز بەشداریی كۆنگرەیەكی ڕۆژنامەوانی كرد.
چاڤی ئاماژەی بەوەدا، بەسەر كۆمەڵێك كێشەی گەورەدا هاتووە و سەری سووڕماوە كە بەرشلۆنە لەو دۆخە خراپەدایە.
وتیشی، “ئامانجی سەرەكیمان گەیشتنە بە چامپیۆنز لیگی وەرزی داهاتوو”.
ڕاهێنەرەكەی بەرشلۆنە جەختی كردەوە لەوەی ئەوان لەسەر ڕێگەیەكی ڕاست دەڕۆن و تیپێكی بەهێز دروستدەكەن بۆ وەرزی داهاتوو.
ڕۆیشتنی كۆتینیۆ-شی بە ئەرێنی زانیوە، بەوەی زۆری مووچەی یاریزانەكانی لە یانەكەدا چارەسەركردووە، نەیشاردەوە هەوڵ دەدەن دەستبەرداری دوو یاریزانی تریش ببن.
ستایشی ئاستی بەرزیی دانیال ئالڤێسی بەرگریكاریشی كرد و پێیوایە لە ڕووی هێرشبەریشەوە سوودی دەبێت بۆیان.
