دوای ئەوەی تۆڕی میدیایی ئێستا ڕاپۆرتێکی لەبارەی باوک و کچێکەوە لە کەرکوک بڵاوکردەوە کە بژێوی ژیانیان بە کۆکردنەوەی قوتووی خواردنەوە گازییەکان پەیدا دەکەن، خێرخوازان بەدەم ئەو باوک و کچەوە دەچن.
وشیار ڕەمەزان، یەکێک لەو کەسانەیە، کە لە هەژماری خۆی لە تۆڕی کۆمەڵایەتی فەیسبووک ڕایگەیاندووە، دەڵێت، “دوای بڵاوبوونەوەی ڕاپۆرتێک لە تۆڕی میدیایی ئێستا دوو ڕۆژ بەدوای ئەو باوک و کچەدا گەڕام و دۆزیمەوە بڕیارمداوە هاوکارییان بکەم”.
ئەو هاوڵاتییە نوسیویەتی، “دوو مەرجم خستووەتە بەردەم باوکی، کە دەبێت کچەکەی بخاتە بەرخوێندن و کاری پێنەکات بۆئەوەی لە ئایندەدا ببێتە خاوەن بڕوانامەیەک”.
ئەو باوک و کچە لە نەتەوەی عەرەبن و لە کەرکوک دادەنیشن، پێشتر تۆڕی میدیایی ئێستا ژیانی سەختی ئەوانی بڵاوکردەوە کە تەنها بە کۆکردنەوەی قوتوو ژیانی خۆیان دەگوزەرێنن.
ڕاپۆرتەکەی ئێستا لەبارەی ژیانی باوک و کچەکەوە
