بەهۆی تەقەی هێزە ئەمنییەکانی ئێران لە ئۆتۆمبێلی چەند کاسبکارێکی کورد لە تاران، سێ لەو کاسبکارانە کوژران و دووانیشیان چارەنوسیان نادیارە.
ڕێکخراوی هەنگاو بۆ مافەکانی مرۆڤ لە ڕۆژهەڵاتی کوردستان ڕایگەیاند، شەوی ڕابردوو 31ی تەمموز هێزە ئەمنییەکانی ئێران لە ئیسلام شاری ئێران دەستڕێژی گوللـەیان لە چەند ئۆتۆمبێلێکی کاسبکارانی سەقزی ڕۆژهەڵاتی کوردستان کردووە.
بەپێی هەواڵی ڕێکخراوەکە، لەئەنجامی ڕووداوەکە سێ کاسبکار، کە سەرنشینی یەکێک لە ئۆتۆمبێلەکان بوون گیانیان لەدەستدا و دووانی دیکەش تائێستا چارەنوسیان نادیارە.
