ڕۆژ لەدوای رۆژ كێشەكانی یانەی ئەی سی میلانی ئیتاڵی گەورەتر دەبن و یاریزانی زیاتر لە ڕیزەكانی دووردەكەونەوە.
پزیشكەكانی یانەی میلان ئاشكرایانكرد، ئیبراهیم دیاز تووشی كۆرۆنا بووە و لە یارییەكەی هیلاس ڤیرۆنا دوورخراوەتەوە كە بڕیارە ئەمشەو كاتژمێر 9:45 خولەك ئەنجامبدرێت.
بەوەش ژمارەی یاریزانە دووركەوتووەكانی میلان بۆ یارییەكەی هیلاس ڤیرۆنا گەیشتە 11 یاریزان.
پێش ئیبراهیم دیاز، هەریەك لە یاریزانان، ئیبراهیمۆڤیچ، فلۆرێنزی، باكایۆكۆ، میسیاس، تیۆ هێرناندێز، ماینیان، كالابریا، ماڵدینی، كرۆنیچ و لیاو بەهۆی پێكانەوە لە یاریكردن دابڕابوون.
ئەی سی میلان لەخولی ئیتاڵیا لەپلەی دووەمی ڕیزبەندیدایە و حەوت یاریی كردووە، شەش بردنەوە و یەكسانبوونێكی هەیە.
