سەرۆککۆماری تورکیا لە کۆنگرەی لقێکی پارتی داد و گەشەپێداندا ڕایگەیاند، هەوڵ هەیە بۆ دروستکردنی دەوڵەتێک لە سنوری سوریا و عێراق، بەڵام تورکیا “بە گۆمی تیرۆر دەوڵەتی هاوشێوە ناودەبات”.
ڕەجەب تەیب ئەردۆغان، سەرۆککۆماری تورکیا ئەمڕۆ 20ی تشرینی یەکەم ڕایگەیاند، “هەوڵ هەیە بۆ دروستکردنی دەوڵەتێکی تیرۆرستی لە سنوری سوریا و عێراق، بەڵام تورکیا دەستەوەسان ناوەسێت و ڕێگەنادات گۆمێکی تیرۆرستی لە ناوچەکەدا دروستبێت”.
ئەردۆغان بەوە هەڕەشەی کردووە کە گوایە هەرشتێکیان وتبێت سەبارەت بە ڕێگری لە سوریا کردوویانە و وتی، “ڕاشکاوانە ڕایدەگەیێنم، تورکیا هەرگیز ڕێگە بە دامەزراندنی دەوڵەتێکی تیرۆرستی نادات لە نزیک سنوورەکانی خۆی، بۆ ئەمەش هەرچی پێویست بکات، دەیکەین”.
تورکیا دەسەڵاتی سیاسی لە ڕۆژئاوای کوردستان بە تیرۆرست ناودەبات و پێی وایە لقێکە لە پارتی کرێکارانی کوردستان پەکەکە، بەڵام پێچەوانەی بۆچونەکەی تورکیا وڵاتانی ئەوروپی و ئەمریکاش بەتایبەتی مامەڵە لەگەڵ بەڕێوبەرییەکەی کورد دەکەن لە ڕۆژئاوای کوردستان.
