ئیدین هازارد لەخولەكی 75 بەهۆی پێكانەوە یارییەكەی بەلجیكا و فەرەنسای جێهێشت و ئەوەش پزیشكەكانی ڕیاڵ مەدریدی توڕەكردووە.
لە قۆناغی پێش كۆتایی نەیشن لیگ، بەلجیكا بە فەرەنسا دۆڕا و ماڵئاوایی كرد، لەو یارییەدا هازارد-ی كاپتنی بەلجیكا بە ناچاری لەلایەن ڕاهێنەرەوە ئاڵوگۆڕی پێكرا، دوای ئەوەی هەستی بە ئازار كرد.
رۆژنامەی ماركا ئاشكرایكردوە، هەموو پێشبینییەكان بۆ ئەوەن هازارد تووشی پێكان بووبێت و پاش ئاڵوگۆڕپێكردنی، دەستی بە قاچەكانیەوە بووە.
هازارد دوو وەرزە لە ڕیزەكانی یانەی ڕیاڵ مەدرید یاریی دەكات و بەردەوام بەهۆی پێكانەوە نەیتوانیوە بگاتە لوتكەی ئاستی خۆی.
