وەزارەتی کارەبای هەرێم ڕایگەیاند، لە پێناو سەرخستنی پرۆسەی هەڵبژاردن و ئۆفیسەکانی کۆمسیۆن بۆماوەی پێنج ڕۆژ کارەبای بەردەوام دابیندەکات.
لە نوسراوێکدا کە وێنەیەکی بۆتۆڕی میدیایی ئێستا نێردراوە تێیدا هاتووە، ” وەزارەتی كارەبا لەپێناو سەرخستنی پرۆسەی هەڵبژاردن و دابینكردنی كارەبای بەردەوام بۆ هاوڵاتییان و بنكەكانی دەنگدان و ئۆفیسەكانی كۆمسیۆن، تەواویی تواناكانی دەخاتەگەڕ بۆ دابینكردنی كارەبایەكی بەردەوام لە ڕۆژی هەینی تا رۆژی دووشەممە”.
سەبارەت بە بەردەوامی بەستنی پێوەری زیرەک، وەزارەتی کارەبا ڕایگەیاندووە، “لەپێناو نەبچرانی كارەبا و سەلامەتیی كارمەندانی كارەبا كاركردن لە پرۆژەی بەستنی پێوەری زیرەك لەو ماوەیەدا ڕادەگیرێت”.
سبەی شەممە دەنگدان بۆ هەڵبژاردنی ئەنجومەنی نوێنەرانی عێراق دەستپێدەکات و ڕۆژی یەکشەممەش دەنگدانی گشتی لەسەرتاسەری عێراق بەڕێوەدەچێت.
