بەڕێوەبەرایەتیی تەندروستیی سلێمانی رایدەگەیەنێت، لە ماوەی 6 كاتژمێری رابردوودا 21 كەس بەهۆی رووداوەكانی هاتوچۆوە گەیەندراونەتە نەخۆشخانەی فریاكەوتنی شار.
بەپێی راگەیەندراوێكی بەڕێوەبەرایەتیی تەندروستیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، بەداخەوە لەماوەی 6 كاتژمێری رابردوودا 21 حاڵەتی برینداری رووداوی هاتوچۆ گەیەندراونەتە نەخۆشخانەی فریاكەوتنی شار كە (13)حاڵەتیان رووداوی ئۆتۆمبێل بووە.
ئاماژە بۆ ئەوەش كراوە، هەشت حاڵەتیان رووداوی ماتۆڕسكیل بووە بەداخەوە دوو هاوڵاتیش گیانیان لەدەستداوە.
