کەشناسی هەرێم پێشبینییەکانی کەشوهەوای ئەمرۆ و سبەی بڵاوکردەوە و دەڵێت، “سبەی پروشکە باران دەبێت و لە ناوچەکانی رۆژهەڵاتی هەرێم باران زیاتر دەبارێت و لە ناوچە شاخاوییە سنوورییەکان بەفرێکی کەم دەبارێت.”
بەڕێوەبەرایەتیی گشتیی کەشناسیی هەرێم پێشبینییەکانی کەشوهەوای بڵاوکردەوە، ئاماژەی بەوەکردووە، ئەمڕۆ ئاسمان ساماڵ دەبێت لەگەڵ هەندیک پەڵە هەوری جیا جیا و پلەی گەرمی بەنزیکەیی هاوشێوەی دوێنێ دەبێت.
لەبارەی کەشوهەوای سبەی یەکشەمەوە ئاماژەی بەوەداوە، ئاسمان لە نێوان نیمچە هەور بۆ هەوری تەواو دەبێت لەگەڵ ئەگەری بارینی پرۆشکە باران لە هەندێک کات.
دەشڵێت، “لە رۆژهەڵاتی هەرێم رێژەی بارانبارین زیاترە لەگەڵ بارینی بەفرێکی کەم لە هەندێک ناوچە شاخاویە سنوریەکان.”
