چارەنووسی گەنجەكەی ناحیەی بەمۆ یەكلابووەوە

بەهۆی تەقینەوەی مینەوە گیانی لەدەستداوە

ئەو گەنجەی سێ ڕۆژ لەمەوبەر بۆ کۆکردنەوەی قەزوان ڕوویكردبووە چیای بەمۆ و لەوكاتەوە بێسەروشوێن مابوەوە تەرمەكەی دۆزرایەوە، بەڕێوەبەری ناحیەكەش دەڵێت، مینی پێدا تەقیوەتەوە.

سمكۆ سالار، بەڕێوەبەری ناحیەی بەمۆ ئەمڕۆ یەكشەممە 25ی تشرینی یەكەم بە تۆڕی میدیایی ئێستای ڕایگەیاند، تەرمی هاوڵاتی (گۆران عەلی) لە شاخی بەمۆ دۆزرایەوە كە بەهۆی تەقینەوەی مینەوە گیانی لەدەستداوە.

گۆران عەلی (تەمەن 29 ساڵ) بەمەبستی کۆکردنەوەی قەزوان و گۆیژ لە کۆتایی هەفتەی ڕابردوودا لە ماڵ دەرچوو بەرەو چیای بەمۆ، بەوتەی باوکی بەیانیی ڕۆژی پێنجشەممە کاتژمێر 7:00 لەماڵ دەرچووە و پاش گەڕان بەدوایدا تەنها ماتۆڕەکەیان دۆزیوەتەوە.

عەلی عەزیزی باوکی گۆران پێشتر ئاشكرایكرد كە، دوو ڕۆژە خەڵکی ناوچەکە زیاتر لە دوو سەد کەس لە گەڕاندان بەدوای کوڕەکەم، بەڵام هیچ ئاسەوارێکی نییە.

هەروەك کەسوکارەكەی باسیان لەوەكردبوو کە پاسەوانانی سنوور پێیانڕاگەیاندوون لەو ناوچەیەی گۆران تێیدا بزربووە مینێک تەقیوەتەوە.

بابەتی پێشتر

کاکە مەم بۆتانی، ئەستێرەیەکی دیکەی ئەدەبی کوردی کشا

بابەتی دواتر

سەڵاحەدین بەهائەدین هەڵوێستی لەبارەی دەرکردنی حزبەکەی لە حکومەتی خۆجێی دهۆک دەربڕی

بابەتی پەیوەندیدار
زیاتر ببینە

وەزارەتی شارەوانی: دابینكردنی ئاوی خاوێن بۆ هاوڵاتییانی كوردستان ستانداردی جیهانی تێپەڕاندووە

وه‌زاره‌تی شاره‌وانیی هه‌رێم ڕایدەگەیەنێت، دابینكردنی ئاوی خاوێن بۆ هاوڵاتییانی كوردستان ستانداردی جیهانی تێپەڕاندوە. وەزارەتەكە لە ڕاگەیەندراوێكدا، ئاماژەی بەوەكردووە،…
Total
0
Share