بەڕێوەبەرایەتیی كارەبای سلێمانی رایدەگەیەنێت، بارهەڵگرێك زیان بە هێڵی پەستان بەرزی هەردوو فیدەری 346 و 363 دەگەیەنێت.
لە راگەیەندراوێكدا بەڕێوەبەرایەتیی كارەبای سلێمانی ئاماژەی بۆ ئەوە كردووە، دوای ئەمڕۆ سێشەممە ئۆتۆمبێلێكی بارهەڵگر خۆی كێشا بە دوو ستوونی كارەبا و هەردووكیان دەشكێنێت و ئەوەش بووە هۆی بچڕانی تۆڕی كارەباكە و كوژانەوەی كاروبای گەڕەكی قولەرەیسی، لەسەر هەردوو فیدەری 346 و 363.
هەر لە راگەیەندراوەكەدا هاتووە، راستەوخۆ تیمەكانی هۆبەی چاككردنەوەی كارەبای بەكرەجۆ هەردوو دوو ستوونەكەیان گۆڕی و كێشەكە چارەسەركرا و كارەبا بۆ هەردوو فیدەرەكە گەڕایەوە.
