پۆلیسی هەولێر ئاشکرایکرد، ژنێک بەهاوکاریی براکەی هاوسەرەکەی کوشتووە و بکوژەکان دەستگیرکراون.
هۆگر عەزیز وتەبێژی پۆلیسی هەولێر بە تۆڕی میدیایی ئێستای وت، “ژنێک بەهاوکاریی براکەی، هاوسەرەکەی کوشتووە”.
بەپێی گێڕانەوەی پۆلیس، ئێوارەی دوێنێ لە یەکەیەکی نیشتەجێبوون لە شاری هەولێر دوای ئەوەی دەمەقاڵێ لەنێوان ژن و مێردەکەدا دروستبووە، ژنەکە بە هاوکاریی برایەکی کە تەمەنی 20 ساڵە، مێردەکەی کوشتووە.
وتەبێژی پۆلیسی هەولێر ئاشکرایکرد، ئەو خێزانە بە ڕەچەڵەک عەرەبن و نیشتەجێی هەولێرن، پیاوەکە تەمەنی 30 ساڵە و ژنەکەش تەمەنی 29 ساڵە.
تۆمەتبارەکان دەستگیرکراون و پۆلیس پەڕاوی لێکۆڵینەوەی بۆ کردوونەتەوە.
