پارتەكانی باكوور ‘هاوپەیمانیی كوردستان’ پێكدەهێنن

لەوبارەیەوە پارتی دیموكراتی گەلان “هەدەپە” ڕاگەیاندراوێكی بڵاوكردەوە و ڕایگەیاند، “10 پارت و كۆمەڵە لە دیار بەكر كۆبوونەتەوە و بڕیاریانداوە هاوپەیمانییەكی كوردستانیی هەمیشەیی پێكبهێنن.”

هەدەپە ناوی بەشێك لەو پارتانەی ئاشكراكردووە و دەڵێت، “لەو پارتانەی كە بەشداریی هاوپەیمانێتییەكە دەكەن، پارتی مرۆڤ و ئازادی، پارتی شیوعی كوردستان و پارتی دیموكراتی كوردستان-ـن.”

مەدحەت سنجار، هاوسەرۆكی پارتی دیموكراتی گەلان “هەدەپە” ڕایگەیاندووە، “ماوەیەكی زۆرە سەردان و دیدار هەن بۆ ڕێگەخۆشكردن لەپێناو پێكهێنانی هاوپەیمانی، بەڵام ئێستا بۆ یەكەمجارە بەشێوەیەكی ئاشكرا و بەرجەستەكراو، هاوپەیمانییەكی كوردستانیی هەمیشەیی پێكدەهێنرێت.”

هاوسەرۆكەكەی هەدەپە جەختدەكاتەوە كە “یەكێتیی نیشتمانی، دۆزێكی گرنگە بۆ كورد، چونكە بوونی گەلی كورد وەك نەتەوە لە مەترسییدایە. دیموكراسی لە توركیا-ش بەبێ بەشداریی كورد بەدینایەت.”