لە گوندی قەرێتاغی نزیک هەولێر بەهۆی هەڵکردنی رەشەبایەکی بەهێزەوە، ژمارەیەک منداڵ لەسەر یارییەکی چووپ کەوتنەخوارەوە و ژمارەیەکیان برینداربوون.
پەیامنێری تۆڕی میدیایی ئێستا گواستییەوە، لە ئەمشەوەوە بایەکی بەهێز سنووری هەولێری گرتووەتەوە، بەو هۆیەشەوە لە گوندی قەرێتاغ رەشەبا چوپێکی خلیسکێنەی منداڵانی هەڵگەڕاندووەتەوە و بەهۆیەوە ژمارەیەک منداڵ کە لەو کاتەدا یارییان کردووە کەوتوونەتە خوارەوە.
ئاماژەی بەوەشکرد، بەهۆی رووداوەکەوە پێنج منداڵ برینداربوون، دۆخی تەندروستییان جێگیرە و لە نەخۆشخانەی رۆژئاوای هەولێر لەژێر چاودێریی پزیشکیدان.
