باهۆزی شاهین چەند وڵاتێكی گرتووەتەوە و لە عوممان سێ كەسی كوشت

دەسەڵاتدارانی عوممان ئەمڕۆ یەكشەممە ڕایانگەیاند، بەهۆی باهۆزی شاهینەوە سێ كەس مردوون و چەند كەسێكیش بێسەروشوێنبوون.

بەپێی وتەی دەسەڵاتدارانی شانشینی عوممان، قوربانییەكان بەشێكیان بەهۆی داڕووخانی شاخ بەسەر ماڵاندا مردوون و یەكێكیشیان بەخۆی و ئۆتۆمبێلەكەیەوە ئاوبردوویەتی و قوربانییەكیش منداڵە كە بەهۆی دروستبوونی گۆمی ئاوەوە خنكاوە.

باهۆزەكە بایەكی بەهێز و بارانێكی بەخوڕی لەگەڵدایە كە دەگاتە 500 ملم و جگە لە عوممان، ئێرانیشی گرتووەتەوە و لە هەردوو پارێزگای سیستان و بلوچستان لە باشووری خۆرهەڵاتی ئێران دەیان كەس بەهۆی باهۆزی شاهینەوە برینداربوون.

موجتەبا خالدی، وتەبێژ بەناوی ڕێكخراوی بەهاناوەچوونی ئێرانی ڕایگەیاند، 52 كەس سەردانی ناوەندە تەندروستییەكانی ئەو ناوچانەیان كردووە كە باهۆزەكە گرتوونیەتییەوە، پێشتر ئاژانسی فارس برینداربوونی 13 كەسی دیكەی بەهۆی باهۆزی شاهینەوە ڕاگەیاندبوو.

بابەتی پێشتر

توركیا سزای زیندانیكردنی بەسەر سیاسەتمەدارێكی كورددا سەپاند كە چوار ساڵە كۆچی دواییكردووە

بابەتی دواتر

ئێران جارێکی دیکە هۆشداریدایە دراوسێکانی

بابەتی پەیوەندیدار
زیاتر ببینە

نرخی نەوت دابەزی

نرخی نەوت بە بەراورد بە دوێنێ پێنجشەممە لە بازاڕەكانی جیهان دابەزینی بەخۆوە بینی و یەك بەرمیل نەوتی خاوی…
Total
0
Share