یانەی چێڵسی ئینگلیزی لە یاریگای ستامفۆرد بریج ڕووبەڕووی ساوزامپتن بووەوە، ئەستێرەکانی تۆماس توخێل بردنەوەیەکی گرنگیان تۆمارکرد.
ئەمڕۆ شەممە، لە چێوەی یارییەکانی هەفتەی حەوتەمی خولی نایابی ئینگلتەرا، یانەی چێڵسی لە یاریگای ستامفۆرد بریج میوانداریی ساوزامپتنی کرد، یارییەکە بە ئەنجامی (3-1) لە بەرژەوەندیی شینپۆشەکانی لەندەن کۆتاییهات.
گۆڵەکانی بلوز لە خولەکەکانی نۆ، 84، 89 لەلایەن تریڤۆ چالوبا، تیمۆ ڤێرنەر، بین چیلویڵەوە تۆمارکران، گۆڵەکەی یانەی میوانیش لە خولەکی 61 لەلایەن جەیمس وارد بە لێدانی سزا تۆمارکرا.
بەپێی ئەنجامە تۆمارکراوەکە، چێڵسی بەکۆکردنەوەی 16 خاڵ بەشێوەیەکی کاتی لوتکەی ڕیزبەندی یانەکانی پریمەرلیگی گرت، هەروەها یانەی ساوزامپتن بە چوار خاڵەوە لە پلەی 17ی ڕیزبەندییەکەدا جێگیربوو.
ئەنجامەکانی دیکە:
لیدز یونایتد 1-0 واتفۆرد
وڵڤەرهامپتن 2-1 نیوکاسڵ
بێرنڵی 0-0 نۆریچ سیتی
