گۆڤاری فرانس فوتبۆڵی فەڕەنسی ئاشكرایكرد، لە هەشتی تشرینی یەكەمدا ناوی ئەو سێ یاریزانە ئاشكرادەكرێت كە ڕكابەری لەسەر بەدەستهێنانی تۆپی ئاڵتون دەكەن.
ئاماژەی بەوەشداوە كە 29ی تشرینی دووەم لە پاریس و لەسەر شانۆی دو شاتلی، ئاهەنگی دابەشكردنی خەڵاتی تۆپی ئاڵتون بەڕێوەدەچێت.
دوایین یاریزان كە خەڵاتی تۆپی ئاڵتونی بەدەستهێناوە لیۆنێل مێسی ئەرجەنتینییە و وەرزی ڕابردووش بەهۆی كۆرۆناوە، دابەشكردنی خەڵاتەكە هەڵوەشێندرایەوە.
بۆ ئەمساڵیش بەپێی بۆچوونی شارەزایانی تۆپی پێ و بەشێكی زۆری ڕاگەیاندنەكان، مێسی و جۆرجینیۆ و لیڤاندۆڤیسكی پاڵێوراوی سەرەكین.
