سەرچاوەیەكی ئەمنی ئەمڕۆ چوارشەممە ڕایگەیاند، سەكۆیەكی تەقاندنی مووشەك لە دەوروبەری بێجی تەقیوەتەوە.
ئەو سەرچاوەیە لێدوانی بۆ میدیای عێراقی داوە و ئاشكرایكردووە، تەقینەوەی ئە سەكۆیە لە دەوروبەری قەزای بێجی لە پارێزگای تكریت، لە بارودۆخێكی تەمومژاویدا بووە و لێكۆڵینەوە لەو بارەیەوە دەستیپێكردووە.
بەپێی ئەو سەرچاوەیە، هێزەكانی حەشدی شەعبی و پۆلیس چوونەتە شوێنەكە و بەدواداچوون بۆ ئەو ڕووداوە دەكەن.
بەشێك لە سەرچاوەكانی هەواڵی عێراق ئاماژە بۆ ئەوە دەكەن كە سەكۆكە لەكاتی تەقاندن و ئاراستەكردنی مووشەك بۆ ئامانجی دیاریكراو تەقیوەتەوە.
