دەستەی دەروازە سنوورییەكانی عێراق رایدەگەیەنێت، داهاتی دوو مانگی دەروازە سنوورییەكان کە لە ئاوی وشکانی و ئاسمانی پێکدێن، زیاتر لە 400 ملیار دینارە.
عومەر وائیلی، سەرۆكی دەستەی دەروازە سنوورییەكانی عێراق رایگەیاند،”داهاتی مانگی یەک و دووی ئەمساڵی سەرجەم دەروازە ئاسمانی، ئاوی و وشکانیيەکانی عێراق گەیشتووەتە زیاتر لە 400 ملیار دینار”.
وتیشی، “هەوڵدەدەین ئەو داهاتانە دوو هێندە بكەین وەك بەشێك لە پلانە ستراتیژییەكانی دەستەکە بۆ بەهێزكردنی سەرچاوەكانی دەوڵەت و كۆنتڕۆڵكردنی دەروازەكان بەشێوەیەكی كاریگەرتر”.
بەپێی ئەو زانیارییانەی دەستەکە ئاشکرایکرد، “سەرجەم دەروازە سنوورییە وشكانی، ئاوی و ئاسمانییەكانی عێراق پێکەوە بە یەك ناوەندی یەكگرتووەوە بەستراون و راستەوخۆ و بە شێوەیەكی رێكخراو لە رێگەی سیستمێكی ئۆتۆماتیكیی ئەلیكترۆنيیەوە بەڕێوەدەبرێن”.
