مانچستەر سیتی یاریی لوتکەی لە چێڵسی بردەوە و مانچستەر یونایتد بەرامبەر ئەستۆن ڤێلا دۆڕاندنی تۆمارکرد.
ئەمڕۆ شەممە، لە چێوەی یارییەکانی هەفتەی شەشەمی خولی نایابی ئینگلتەرا، یانەی چێڵسی لە یاریگای ستامفۆرد بریج میوانداریی مانچستەر سیتی کرد، یارییەکە بە ئەنجامی گۆڵێکی بێوەڵام لەبەرژەوەندیی سیتی کۆتاییهات.
گۆڵەکەی سیتیزنس لە خولەکی 53 لەلایەن گابریێل جیسوز-ی بەرازیلییەوە تۆمارکرا.
لە ڕووبەڕووبوونەوەیەکی دیکەدا، مانچستەر یونایتد لە ئۆڵدترافۆرد میوانداری ئەستۆن ڤێلای کرد.
سەرەڕای ئەوەی یونایتد لە یاریگای خۆیدا میوانداری ڤێلانسی کرد، بەڵام بە ئەنجامی گۆڵێکی بێوەڵام شکستیانهێنا، گۆڵەکەش لە خولەکی 88 لەلایەن کۆرتنی هوس-ەوە تۆمارکرا.
بەپێی ئەنجامە تۆمارکراوەکان، سەرجەم یانەکانی (سیتی، لیڤەرپوڵ، چێڵسی، مان یونایتد) بە کۆکردنەوەی 13 خاڵ، لە لوتکەی ڕیزبەندیی یانەکانی ئینگلتەرا هاوسەنگبوونەوە، لیڤەرپوڵ بەوپێیەی یارییەک کەمتری ئەنجامداوە، لە لوتکەی ڕیزبەندییەکەدا جێگیربوو.
