دادگای کفری دوو تۆمەتباری ماددە هۆشبەرەکانیان بە سزای یەک ساڵ زیندانیکردن سزادا کە بەر لە سێ مانگ دەستگیرکرابوون.
لە ڕاگەیەندراوێکدا کە یاریدەدەرێتیی ئاسایشی کفری بڵاویکردووەتەوە ڕایگەیاند، ئەو دوو کەسەی سزادراون تۆماتباربوون بە بەکارهێنانی ماددەی هۆشبەر و بەپێی ماددەی 30 لە یاسای ماددە هۆشبەرەکان سزادراون.
سزای دوو تۆمەتبارەکە یەک ساڵ زیندانیکردنە.
ئەو دوو تۆمەتبارە سێ مانگ لەمەوبەر لەلایەن هێزەکانی ئاسایشی کفرییەوە بە تۆمەتی بەکارهێنانی ماددەی هۆشبەر دەستگیرکرابوون.
