مۆڵگەکانی چەکدارانی داعش لە سنووری قەزای خورماتوو لەلایەن فڕۆکە جەنگییەکانی عێراقەوە بۆردومانکرا.
پەیامنێری تۆڕی میدیایی ئێستا لە کەرکوک ڕایگەیاند، کاتژمێر 7:00ی بەیانیی ئەمڕۆ فڕۆکە جەنگییەکانی عێراق بۆردومانی مۆڵگەکانی داعشیان لە هەردوو زگلبانە و خەشامنە کرد، کە دەکەوێتە ڕۆژئاوای قەزای خورماتووەوە.
بۆردومانی فڕۆکە جەنگییەکانی عێراق ماوەی کاتژمێرێک بەردەوام بووە.
بۆردومانەكە لەكاتێكدایە، ئێوارەی دوێنێ لە بۆسەیەكی پاشماوەی چەكدارانی داعش لەنێوان قەزای كفری و ناحیەی سەرقەڵا، دوو كەس كوژران و یەكێكی دیكەش برینداربوو.
