وەزارەتی کار و کاروباری کۆمەڵایەتیی هەرێمی کوردستان ڕایدەگەیەنێت، بەمەرجی جێبەجێکردنی ڕێنماییە خۆپارێزی و تەندروستییەکان، بڕیاریانداوە سەردانیکردنی سزادراوان لە زیندانەکانی هەرێم دەستپێبکاتەوە.
لە ئاگادارییەكدا وەزارەتەكە سەرجەم خانەوادەی بەندکراوان ئاگاداردەكاتەوە لە 22/9/2021ەوە سەردانیکردنی سزادراوان دەستپێدەکاتەوە.
ڕوونیشیكردووەتەوە، ڕۆژی چوارشەممەی داهاتوو سەردانی ڕاگیراوانی نەوجەوان و ئافرەتان بەڕێوەدەچێت و هەمان ڕۆژی هەفتەی داهاتوو بۆ سزادراوان تەرخاندەكرێت.
هەر بەپێی بڕیارەكەی وەزارەتی كار و كاروباری كۆمەڵایەتی، “ڕێکاری سەردانیكردنی زیندانیكراون بریتییە لە سەردانیکردنی دایک، باوک، خوشک، برا، هاوسەر و منداڵ ئەویش بەمەرجی پابەندبوون بە ڕێنماییەکانی تەندروستی، بەتایبەت بەستنی ماسک .
ئاشكرایكردووە كە سەردانیكردن بۆ هەفتەکانی داهاتووش بەهەمان میکانیزم بەردەوامدەبێت.
