هەفتەی ڕابردوو خێزانێکی دانیشتووی باشووری کوردستان، لە باکووری کوردستان تووشی ڕووداوی هاتوچۆ بوون و ژن و پیاوێک گیانیانلەدەستدا و کچەکەشیان برینداربوو، بەڵام دوێنێ کچەکەش بەهۆی سەختیی برینەکەیەوە گیانیلەدەستدا.
ڕۆژی 9ی ئەم مانگە، خێزانێکی کوردی دانیشتووی قەزای ئامێدی لەڕێگای گەڕانەوەیان لە باکووری کوردستانەوە لەنزیک شاری وان تووشی ڕووداوی هاتوچۆ بوون و ژن و پیاوەکە گیانیانلەدەستدا، دوای هەفتەیەک مانەوەی لە نەخۆشخانە کچەکەشیان گیانیلەدەستدا.
بەپێی وتەی ئیسماعیل مستەفا، قائیمقامی قەزای ئامێدی، دوای تەواوکردنی ڕێکارەکان، هەر ئەو ڕۆژە تەرمی ئەو ژن و پیاوە گەڕێندراوەتەوە هەرێمی کوردستان و کچەکەش بۆ چارەسەر برابوویە نەخۆشخانە.
بەپێی زانیارییەکانی پەیامنێری تۆڕی میدیایی ئێستا پیاوەکە تەمەنی 60 ساڵ بووە و هاوسەرەکەشی تەمەنی 55 ساڵ بووە و کچەکەشیان تەمەنی 21 ساڵ بووە.
