دانا عەبدولکەریم ئاشکرایدەکات، لە کۆبوونەوەی رابردوو وەزارەتی دارایی راسپێردرا بە ئامادەکردنی داهاتی نانەوتیی هەرێم، پێموایە ئەمڕۆ رەوانەی بەغداد دەکرێت.
دانا عەبدولکەریم، وەزیری ئاوەدانکردنەوە و نیشتەجێکردنی هەرێم لە لێدوانێکدا رایگەیاند، “لە کۆبوونەوەی رابردووی ئەنجومەنی وەزیرانی هەرێم بڕیاردرا کە سەرەتا وەزارەتی دارایی 120 ملیار دینار داهاتی نانەوتیی هەرێم ئامادەبکات و هەرکاتێک بەغداد مووچەی مووچەخۆرانی هەرێم ئامادەکرد، 120 ملیار دینارەکە رەوانەی بەغداد بکرێت”.
دەشڵێت، “ئەو 120 ملیار دینارەی کە دەبێت رەوانەی بەغداد بکرێت ئامادەیە و پێموایە ئەمڕۆ رەوانەی بەغداد دەکرێت”.
ئاماژەی بەوەشکرد، “بەپێی رێککەوتنەکان، دەبێت بەغداد پاش گەیشتنی داهاتی نانەوتیی هەرێم پابەندبێت و مووچەی مووچەخۆرانی هەرێم بنێرێت”.
