پێپ گواردیۆلای ڕاهێنەری یانەی مانچستەر سیتی تەنها لە ئەنجامی ڕووبەڕووبوونەوەکان ناڕوانێت، بەڵکو هێندەی ئەنجامەکە هەڵسەنگاندن بۆ ئاستی یاریزانەکانی دەکات و گرنگی بە تاکتیکی یاریکردن دەدات.
سەرەڕای سەرکەوتن بە ئەنجامی (6-3) لە دەستپێکی ڕووبەڕووبوونەوەکانی چامپیۆنزلیگ، بەڵام بردنەوە بۆ ڕاهێنەرێکی وەک پێپ گواردیۆلا بەرامبەر یانەی لایپزیک بەس نەبوو، بەڵکو ناوبراو بەهۆی جێبەجێنەکردنی تاکتیکی یاریکردنەوە لە جاک گریلیش و ڕیاز مەحریز توڕەبوو.
گواردیۆلا دەڵێت، “لەنێوان تایمەکاندا پێموتن کە چۆن ئۆتۆماتیکییانە بەرگری بکەن، بەڵام ئەوان ئەو کارەیان نەکرد”.
Jack Grealish: ⚽️🅰️
Riyad Mahrez: ⚽️It doesn't matter how well you're playing, if you don't do your defensive duties Pep Guardiola will tell you all about it 😤#UCL pic.twitter.com/f9ZQFxaq4w
— Football on TNT Sports (@footballontnt) September 15, 2021
هەروەها دەڵێت، “من دەزانم ئەرکە بەرگرییەکان ئاسان نین، بەڵام دزەکردنی هێرشبەرێکی تیمی ڕکابەر بۆ ناوچەی سزای یانەکەمان مەترسی دروستدەکات، ڕێگەیان پێدەدات بە یەک یان دوو گواستنەوە بگەن بە ناوچەی سزا”.
گریلیش بە سکای سپۆرتی ڕاگەیاند، “لە توڕەیی و ئامۆژگاریی ڕاهێنەرەکەی دوودڵ نەبوو، ئەوەی ڕوویدا دەربارەی بەرگریکردن بوو، زیاتری لەسەر ناڵێم، چونکە پێپ هەمیشە ئەرکی هێرشبەری و بەرگریکردنی زیاتری دەوێت، بێگومان منیش گوێی لێدەگرم”.
