ڕۆدیگێری بەرگریكاری ئەڵمانی ئاشكرایكرد، لە مانگی 10ی ساڵی ڕابردووەوە ئیدارەی ڕیاڵ مەدرید پەیوەندییان پێوەكردووە.
جەختیشی لەوە كردەوە كە قسەی لەگەڵ ئەنچیلۆتی ڕاهێنەر كردووە و پێی ڕاگەیاندووە كە ئەوان دڵخۆشن بە هاتنی.
پوختەی قسەكانی ڕۆدیگێڕ
/ یەكەم پەیوەندی یانەی ڕیاڵ مەدرید بە منەوە مانگی ١٠ و ١١ بوو، بەخۆمم وت یانەیەكی لەوجۆرە هەموو جارێك پەیوەندی ناكەن.
/ نمونەی باڵای من ڕۆناڵدۆی بەڕازیلی و جۆرج ویا بوون.
/ عەقلیەتی بردنەوەی ڕیاڵ مەدرید لەگەڵ عەقڵەیتی یاریكردنی من دەگونجێت.
/ بنزیمە و تۆنی كروس و مۆدریچ و كاسمیرۆ بەهاتنی من دڵخۆش بوون منیش شانازی دەكەم
/ ئەنچیلۆتی پێی وتم هەموان دڵخۆشن بەهاتنم
/ هیوادارم یاریزانەكانی مەدرید ئاستی بەرزی هازارد ببینن كە پێشتر من لەگەڵیدا یاریم كردووە
/ هەموو توانای خۆم پێشكەش دەكەم و بەڵێنیان پێدەدەم لەسەدا سەدی هێزی خۆم لە یاریگادا بەكاربهێنم.
/ بەم زوانە خۆم فێری زمانی ئیسپانی دەكەم
/ بە پەرۆشم بە چونم بۆ ئیسپانیا ، كەش و هەواكەی خۆشترە و خواردنی خۆشیشی لێیە
/ تەنها خێزان و منداڵەكەم لەگەڵم دێن بۆ ئیسپانیا
/ لە دۆخێكی دارایی زۆر خراپدا گەورەبووم، بە ڕای من سامانی گەورە خێزانە
