شای سعودیە بەتۆمەتی گەندەڵی بڕیاریدا بەڕێوەبەری گشتيی ئاسایشی وڵاتەکەی لەکاردووربخاتەوە و ڕەوانەی دادگای لێکۆڵینەوەی بكات.
ئاژانسی هەواڵی سعودیە بڵاویکردەوە، بەهۆی بەكارهێنانی سامانی گشتی و گەندەڵییەوە، سەلمان بن عەبدولعەزیز شای سعودیە بڕیاریدا، خالید بن حەربی بەڕێوەبەری گشتیی ئاسایشی وڵات لە پۆستەكەی دووربخاتەوە.
ئاژانسەكە باسی لەوەشكردووە، بەڕێوەبەرەكەی ئاسایش تۆمەتبارە بە ئەنجامدانی تاوان، ساختەکاری و هەوڵدان بۆ بەدەستهێنانی دەسەڵات بەهاوکاری هەشت کەسی دیکە کە بەرپرسیاریەتییان لە پۆستی حکومی و کەرتی تایبەتدا هەبووە.
شای سعودیە دەستەی چاودێری و بەرەنگاربوونەوەی گەندەڵیی وڵاتەكەشی ڕاسپاردووە لێپرسینەوە لە خالید بن حەربی بکات کە لەساڵی 2018ــوە پۆستی بەڕێوەبەری گشتیی ئاسایشی سعودیەی وەرگرتووە.
