كه‌مێك له‌مه‌وبه‌ر پەیوەندییە تەلەفۆنییە چاوەڕوانکراوەکەی نێوان سەرۆکی ڕوسیا و سەرۆکی ئەمریکا لەبارەی دۆخی ئۆکرانیاوە دەستیپێکرد.
میدیاكانى ڕوسیا بڵاویانكرده‌وه، کەمێک لەمەوبەر پەیوەندییە تەلەفۆنییە چاوەڕوانکراوەکەی نێوان ڤلادمێر پوتن و جۆ بایدن دەستیپێکرد و لەئێستادا گفتوگۆی دۆخی ئۆکرانیا دەکەن.
باسیان له‌وه‌شكردووه، هەرچەندە بڕیاربوو کاتی قسەکردنی نێوان هه‌ر دوو سه‌رۆكه‌كه ڕۆژی دووشەممە بەڕێوەبچێت، بەڵام لەسەر داوای ئەمریکا پەیوەندییە تەلەفۆنییەکە بۆ ئەمڕۆ پێشخراوە.
پێشتریش كۆشكى کرملین بڵاویكرده‌وه، پوتن و بایدن پەیوەندییەکی تەلەفۆنی ئەنجام دەدەن، كه ئەوەش هاوکاتە لەگەڵ مەترسی ئەگەری شەڕ و پێکدادان لە نێوان ڕوسیا و ئۆکرانیا.
