منداڵێک لە ئاوی دوکاندا خنکا

بەرەبەیانی ئەمڕۆ کاتژمێر 4:00 منداڵێک کەوتووەتە ناو ئاوی دوکانەوە و خنکاوە، بەبێ ئەوەی کەسوکارەکەی پێی بزانن، دواتر کەسوکارەکەی خەبەریان بۆتەوە و لایەنی پەیوەندیداریان بۆ دەرهێنانەوەی تەرمەکەی ئاگادار کردووەتەوە.

بەپێی وتەی پۆلیسی قەزای دوکان، ئەو منداڵەی خنکاوە ناوی (بەشار ئومێد”)ە و تەمەنی هەشت ساڵە، لەگەڵ کەسوکارەکەی لە کەرکوکەوە بۆ بەسەربردنی کاتەکانیان هاتوونەتە قەزای دوکان.

بەپێی زانیارییەکان دوای دەرهێنانەوەی تەرمی منداڵەکە، ڕەوانەی پزیشکی دادی سلێمانی کراوە و دوای لێکۆڵینەوە تەرمەکەی دەدرێتەوە بە کەسوکارەکەی.

ساڵانە لە وەرزی هاویندا چەندین کەس لە ئاوی دوکاندا دەخنکێن، ئەویش بەهۆی سروشتی ئاوی دوکانەوە کە دەڕوات و مەلەکردن یان ڕزگارکردنی کەسێک تێیدا ئاسان نییە، ئەگەرچی هۆشداریش دراوەتە گەشتیاران کە مەلەکردن و نزیکبوونەوە لە ڕوبارەکە قەدەغەیە.

بابەتی پێشتر

لە عێراق ئامێری دەنگدان و کارتی بایۆمەتری بۆ ساختەکاری ئامادەکرابوو

بابەتی دواتر

حکومەتی هەرێم سەرکۆنەی تەقینەوەکانی ئەفغانستان دەکات

بابەتی پەیوەندیدار
Total
1
Share