دەست بە جێبەجێکردنی قۆناغێکی دیکەی شەقامی 150 مەتریی ھەولێر دەکرێت كە شەقامی (ھەولێر- کۆیە) تاوەکو (ھەولێر – شەقڵاوە) دەگرێتەوە و درێژییەکەی (7.2) کیلۆمەتر دەبێت.
فەرمانگەی میدیا و زانیاریی هەرێم بڵاویكردەوە، “بە مەبەستی تەواوکردنی شەقامی 150 مەتریی ھەولێر، کە شەقامێکی بازنەیی گرنگی شاری ھەولێرە، مەسرور بارزانی سەرۆکی حکومەتی ھەرێمی کوردستان، ڕەزامەندی نیشاندا بە دەستپێکردن و تەواوکردنی بەشێکی دیکەی ئەو شەقامە”.
ڕوونیشیكردووەتەوە، ئەو شەقامە شەقامی (ھەولێر- کۆیە) تاوەکو (ھەولێر – شەقڵاوە) دەگرێتەوە و درێژییەکەی (7.2) کیلۆمەتر دەبێت لەگەڵ دروستکردنی شەقامی خزمەتگوزاریی دووساید بەپێی یاسا و رێنماییەکان”.
کارەکانی شەقامی بازنەیی 150 مەتریی هەولێر بەشێكی تەواوكراوە كە لە شەقامی (ھەولێر- بەحرکە) تاوەکو (ھەولێر – شەقڵاوە)یە.
