وەزارەتی بازرگانی و پیشەسازی بەشی سێیەمی پارەی گەنمی جوتیاران بۆ سالی 2021 دابەشدەکات.
نەوزاد شێخ کامیل، بەڕێوەبەری گشتیی بازرگانی لە وەزارەتەكە لە ڕاگەیەندراوێكدا ئاشكرایكردووە، “لەم ڕۆژانەدا بەشی سێیەمی پارەی جوتیاران بۆ ساڵی 2021 بەشێوەی چەکی بانکی دابەشی سەر ئەو جوتیارانە دەکەین کە ئەمساڵ گەنمیان ڕادەستی سایلۆکان کردووە”.
باسی لەوەشكردووە، لەسەرەتای هەفتەی داهاتوو ڕێكارە ئیدارییەکان دەستپێدەکەن و دواتر پارەكە دابەشدەکرێت بەسەر جوتیاراندا، لە ڕێگای بەڕێوەبەرایەتییەکانی بازرگانیی دانەوێڵە و بانکەکانی هەرێمی کوردستانەوە.
نەوزاد شێخ کامیل پشكی پارێزگاكانیشی لە پارەكە ڕوونكردووەتەوە:
سلێمانی: سێ ملیار و 941 ملیۆن دینار
هەولێر: دوو ملیار و 517 ملیۆن دینار
دهۆک: 381 ملیۆن دینار
