وەزارەتی بازرگانی و پیشەسازیی هەرێمی كوردستان ڕایدەگەیەنێت، ڕێگەنادەن نرخی سەبەتەی ھێلکە لە پێنج ھەزار دینار زیاتر بفرۆشرێت.
بەپێی ڕاگەیەندراوێكی وەزارەتەكە، بەڕێوەبەرایەتیی چاودێریی بازرگانی بەمەبەستی کۆنترۆڵکردنی نرخی ھێلکە و بۆئەوەی بازرگان و خاوەن دوکان و مارکێتەکان بە ئارەزووی خۆیان نرخی ھێلکە بەرزنەکەنەوە، بڕیاریاندا ھەر شوێنێک نرخی سەبەتەی ھێلکە بەرزبكاتەوە سزابدرێت.
ئاماژەی بەوەشكردووە، هەر ماركێتێك سەبەتەی هێلكە لە پێنج ھەزار دینار زیاتر بفرۆشێت، سزا دەدرێت و شوێنەکەی دادەخرێت.
