سبەی، جۆ بایدن سەرۆكی ئەمریكا بەشێوەی ئۆنلاین لەگەڵ سەرکردەی وڵاتانی گروپی (G7) کۆدەبێتەوە و تاوتوێی دۆخی ئەفغانستان دەکەن.
جێن ساکی، وتەبێژی کۆشکی سپی، لە ڕاگەیەندراوێكدا ئاماژەی بەوەكردووە، لە کۆبوونەوەی سەرکردەی وڵاتانی گروپی (G7) کە سبەینێ سێشەممە بەڕێوەدەچێت، تاوتوێی سیاسەتی ئەفغانستان و ھەماھەنگی لە بابەتی گواستنەوەی هاوڵاتییان لە کابولی پایتەختەوە دەکەن.
ساکی، باسی لەوەشكردووە، لە کۆبوونەوەکەدا پرسی ھاوکاری مرۆیی بۆ ئەفغانستان و پاڵپشتیکردنی پەنابەرانی ئەفغانیش تاوتوێ دەکرێت.
