بومەلەرزەیەك بە گوڕی 5.2 پلە، ڕۆژهەڵاتی كەناراوەكانی پارێزگای فۆكۆشیما-ی ژاپۆنی هەژاند، تائێستا هیچ مەترسییەك لەبارەی ڕوودانی تسۆنامییەوە نییە.
بەپێی ئاژانسی كەشناسیی ژاپۆنی، بومەلەرزەكە كاتژمێر (11.24) بەكاتی ناوخۆیی ئەو وڵاتە ڕوویداوە و ناوەندی بومەلەرزەكەش لە قوڵایی 60 كیلۆمەتری ژێر ئاودا بووە.
كاریگەری و لەرینەوەی بومەلەرزەكە لە پارێزگاكانی (فۆكۆشیما، میاجی، ئیواتی، یاماگا، ئیباراكی و توچینگی) هەستیپێكراوە، بەڵام هیچ زیانێكی گیانی نەبووە.
