رەجەب تەیب ئەردۆغان سەرۆک وەزیرانی تورکیا ئاشکرایکرد، لەگەڵ ئۆلف کریستیشۆن سەرۆک وەزیرانی سوید کۆدەبێتەوە بۆ گفتوگۆکردن لەبارەی بوون بە ئەندامی سوید لە هاوپەیمانیی ناتۆ، هەروەها ڕادەستکردنەوەی ئەو کەسانەی تورکیا داوایان دەکات.
کەناڵی ئێن تی ڤی بڵاویکردەوە، سەرۆک وەزیرانی نوێی سوید و سەرۆک کۆماری تورکیا کۆدەبنەوە.
ئەردۆغان دەڵێت، “سەرۆک وەزیرانی سوید پاڵپشتیی شەڕی دژی تیرۆر دەکات، ئێمەش لەو دیدارەدا هەڵسەنگاندن بۆ ئەو لێدوانانە دەکەین”.
لە کۆبوونەوەی لەگەڵ ئەمینداری گشتیی ناتۆ کریستیشۆن ڕایگەیاند، سوید بەشداریی زیاتری دەبێت لە هەوڵەکانی هاوپەیمانیی ناتۆ بۆ ڕووبەڕووبوونەوەی تیرۆر.
تورکیا دەڵێت، کە پەرلەمانی وڵاتەکەی ئەندامبوونی سوید و فینلەندا لە هاوپەیمانیی ناتۆ پەسەند ناکات ئەگەر ئەو وڵاتانە ئەو کەسانە ڕادەستی تورکیا نەکەنەوە کە داوای دەکەن.
