بەهۆی تەقەی چەكدارانی تاڵیبان و پاڵنان و پاڵەپەستۆ، لە شارێكی ڕۆژهەڵاتی ئەفغانستان قوربانی كەوتەوە.
ئاژانسی ڕۆیتەرز لەسەر زاری شایەتحاڵانەوە بڵاویكردەوە، بەهۆی ڕووداوەكەوە چەند كەسێك گیانیان لەدەستداوە، بەبێ ئەوەی ڕوونیبكاتەوە قوربانییەكان بەهۆی تەقەكردنەكانەوە بووە، یان پاڵنان و بەسەریەكداكەوتن.
ئەمڕۆ ژمارەیەك لە دانیشتووانی شاری ئەسەدئاباد، سەنتەری ویلایەتی كەنز لە ڕۆژهەڵاتی ئەفغانستان بە بەرزكردنەوەی ئاڵای نیشتیمانیی وڵاتەكەیانەوە ڕێپێوانێكیان بەبۆنەی ڕۆژی سەربەخۆیی ئەنجامدا، هاوشێوەی هەمان ڕێپێوان كە دوێنێ لە ویلایەتەكانی نهنگهرهار و خواست بەڕێوەچوو.
لە ڕێپێوانەكەدا پشێوی دروستبووە و چەكدارانی تاڵیبان تەقەیان كردووە.
دوێنێش میدیاكان بڵاویانكردەوە سێ كەس كوژران و لانیكەم 12ی دیكە برینداربوون بەهۆی تەقەكردنی چەكدارانی تاڵیبان لەو ڕێپێوانەی لە سەنتەری نهنگهرهار-ی شاری جەلال ئاباد ئەنجامدرا.
